183
Hooiberg – Diabierna anochi algo prome cu mey anochi polis a bay un adres na Hooiber, unda cu huma tawata saliendo.
Bou garage di e cas polis a mira un auto y alabes e cas ta full cera y hopi huma tawata saliendo.
Esaki a pone cu polis a pidi brandweer cu urgencia.
Prome a yega un unidad di Brandweer, unda cu mesora a cuminsa evalua e situacion y kibra drenta e cas. Algun minuut despues a yega un di dos, pero e no mester a drenta den accion.
Esaki tawata pa mira si por tin hende of hendenan drumi. Danki Dios no tawata tin niun hende na cas e momento ey.
Aunke pa nos no ta conoci kiko a pega candela, pero e tawata saca un holor di palo. Brandweer a logra domina e origen di e candela y a habri porta y bentana nan pa e huma por sali.
