Cierto remedinan hopi
popular pa perde peso a demostra di proteha e curason significativamente, y un investigacion nobo ta sugeri cu e beneficionan cardiovascular por extende na un grupo di pashentnan ainda mas amplio cu loke e datonan di e testnan clinico a mustra, yudando preveni decenas di miles di infarto di miocardio y accidente cerebrovascular tur aña na Merca.
E datonan di e testnan clinico di e farmaceutico Novo Nordisk a mustra cu personanan cu a tuma #Wegovy tabatin un riesgo di 20% mas abou di sufri un episodio di malesa di curason cu esnan cu a ricibi un placebo( un tratamento cu ta parse real, pero ta diseña pa no tin niun beneficio terapeutico, bijvoorbeel dos pilder identico di cual uno no tin nada aden).
Na maart, e Us Food And Drug Administration (FDA) a aproba un cambio cu tawata añadi beneficio cardiovascular na e label di Wegovy, haciendo’e e prome medicamento pa baha peso autoriza pa reduci e riesgo di infarto di curason, stroke of morto relaciona cu e curason di personanan cu tin mas riesgo di sufri di e malesa aki.
Wegovy ta parti di un clase di remedi yama agonista di e receptornan GLP-1, y su substancia activo, semaglutide, tambe ta aproba pa trata diabetes tipo 2 bou di e nomber #Ozempic.
E informe nobo tambe a haña un señal mas rapido: debi cu modelo di AI(Inteligencia artificial)a identifica un reduccion di riesgo cardiovascular den pashentnan den menos cu dos aña for di ora nan a cuminsa uza GLP-1; compara cu e test clinico di Novo Nordisk cu a tuma mas cu tres aña pa completa.
E noticia aki sigur ta alentador; pa esnan den e tereno medico/cuido aki na Aruba.