Ariba un dia calor den zomer na Oak Ridge.
Tennessee, un grupo di homber tawata kitando tubo, asbest y restonan peligroso mientras nan tabata traha pa descontamina un instalacion nuclear y prepare pa demolicion.
Bisti cu coverall di pia te cu cabes y ekipa cu respirador, e miembronan di e team trahando den un edificio sin coriente no a haya un break obvio di e calor. Na luga di esei, nan a usa armband cu tabata registra nan ritmo di curason, movecion y buscando e señalnan di stress di e calor extremo.
Stephanie Miller, gerente di siguridad y salud di un contratista di gobierno MERICANO cu tabata haci trabou di limpiesa na Oak Ridge National Laboratory, tawata mira ariba un screen di computer ey mes. Un sistema di codigo di color cu bubbles chikito cu tabata mustra e datonan fisiologico di cada trahado y tabata alerta si un hende tabata den peliger di overheating.
“Calor ta un di e peligernan mas grandi cu nos tin den e trabou aki, aunke nos ta trata tambe cu radiacion halto, producto kimico peligroso y metal pisa”, Miller a bisa.
Segun cu mundo ta experenciando mas temperatura halto record, dunadonan di trabou ta explorando tecnologianan portabel pa tene trahadonan sigur.
E aparatonan nobo ta colecta datonan biometrico pa calcula e temperatura central di e curpa (un temperatura halto ta un sintoma di agotamento di calor ) y ta hasi trahadonan tuma sosiego pa refresca nan mes.
Esaki ta un aparato sigur cu nos companianan di Utilidad y tambe den area di construccion; lo por averigua y inverti den dje pa nan trahadonan.
Aki na Aruba mes, tur dia tin hombernan cu mester traha den e calor extremo cu ta azotando e planeta; y esaki lo no bay baha.