“Si no tin wega politico, solamente ta keda lucha na maneranan no democratico”
Esey ta e advertencia cu Juan Barreto ta lansa tocante e crisis postelectoral actual na Venezuela, kende tawata testigo di e historia politico di e pais durante e ultimo cuarto di siglo.
E exdiputado y exalcalde metropolitano di Caracas tabata director di medianan di e prome campaña presidencial di Hugo Chávez na 1988 y tabata co-creador di e programa di radio y television “Aló, presidente”.
E la cuminsa distancia su mes for di e oficialismo despues di e reforma constitucional cu Chávez a impulsa pa establece e reeleccion presidencial indefini y despues e la bandona e oficialista Partido Socialista Unido De Venezuela (PSUV) pa lanta su propio partido.
Na 2013, e la apoya e candidatura presidencial di Maduro, pero e la distancia na 2015. Su postura critico na Maduro no a nifica su sosten na e oposicion mayoritario, lidera pa María Corina Machado.
Den su bista ariba e posibel negosacion entre gobierno y oposicion, e ta kere cu tur dos banda lo mester hasi concesionnan doloroso, pero cu lo evita cu e pais lo bira “un mescls di Nort Korea cu Saudi Arabia”.