E la pasa den dos pandemia y dos guera mundial.
E tawata Maria Branyas Morera, e persona mas bieu di mundo, cu a fayece na Spaña na edat di 117 aña
“Maria Branyas a laga nos. E la muri manera e tawata kier: mientras e tawata drumi, trankil y sin dolor”, asina a aparece riba su red social X diamars.
“Un dia cu mi no sa, pero cu ta masha serca, e biahe largo aki lo a caba. Morto lo haña mi gasta di a biba asina tanto, pero mi kier pa e haña mi ta hari, liber y satisfecho”, Maria a bisa algun dia pasa, segun e publicacion.
Na 2020 e la bira e persona di mas bieu conoci cu a sobrevivi Covid na e punto mas halto di e pandemia.
Maria Branyas tabata yiu di un famia Spaño pero a nace na San Francisco (Estados unidos) na 1907. E la muda pa Cataluña ora e tabatin 7 aña.
Despues di morto di Maria Branyas, e persona cu a biba mas largo na mundo ta bira e Hapones Tomiko Itooka, cu tin 116 aña.
“Abo lo kier biba asina largo”?.