Ministerio di Interior di Nort Macedonia a reacciona riba declaracionnan haci pa gobierno di Nicolás Maduro riba un supuesto atake informatico contra e sistema di transmision di data di E Consejo Nacional Electoral (CNE) durante e eleccion presidencial di 28 di juli.
E organisashon a señala cu nan no a ricibi peticion di parti di e autoridad Venezolano pa hasi e controlnan riba e presunto atake di prohibicion di servisio (ddos, pa su abrevacionnan na Ingles) na e sistema electoral.
“Ministerio di Interior ta informa publico cu Departamento di Cyber Crime ta sigui e desaroyo di e supuesto acusacionnan contra ciudadanonan di Macedonia y tambe ta declara cu te awor, autoridadnan di Venezuela no a manda peticion of informacion riba esaki pa haci mas control di nos parti”, e organismo a laga sa den un comunicado.
Minister di Transformacion Digital di Nort Macedonia, Stefan Andonovski, a bisa cu nan ta siguiendo e proceso cu atencion y cu nan lo sigura cu “ningun hende ta wordo acusa den e pais sin tin prueba adecua pa esaki”.
“Esaki ta un regimen socialista cu pa añanan a filtra informacion cu no ta wordo sosteni pa prueba y ta culpa e partinan interesa y e Estadonan cu no tin ningun responsabilidad den e casonan aki”, e la enfatisa.
Atake por a tuma luga cu VPN of un BotNet netwerk.
E Ministerio di Interior e la sostene cu aunke por a aparece un ip di Nort Macedonia y den e supuesto atake, esey no ta nifica cu e ta bin originalmente for di e pais ey.
Den e documento, nan a splica cu, basa riba experencia anterior, nan por indica cu tin un probabilidad halto cu pa e supuesto atake a usa un VPN of e persona ta parti di un Red BotNet mas grandi.