CARACAS, Venezuela ( AP) – E democracia mundial a condena casi unanimamente e resultadonan di e eleccion presidencial di Venezuela y a pidi un cuenta transparente di voto pa confirma loke e oposicion ta bisa cu tabata su victoria aplastante riba presidente Nicolás Maduro.
Dos di e aliadonan mas cerca di Maduro, e presidentnan di banda liberal di Brasil y Colombia, recientemente a uni cu un coro di nacionnan, incluyendo Merca, cu a expresa nan preocupacion profundo pa e eleccion presidencial di diadomingo, cu autoridadnan electoral Venezolano a bisa cu e presidente a gana cu shete punto.
Maduro, sinembargo, te awor solamente a coba un buraco su mes: reclamando victoria, encarcelando oponentenan y menasando di aresta su rival, Edmundo González. E oposicion ta bisa cu González a gana e autoproclama lider socialista den e urnan pa un margen di mas di 2-pa-1.
Mientras cu e enfrentamento electoral ta bayendo den teritorio desconoci, esaki ta algun di e opcionnan pa Maduro:
HACI ELECCION NOBO
E bentana pa Maduro hala tras ta birando mas chikito cada ora. E Conseho Electoral Nacional ya a proclam’e ganador oficial.
Si e reconsidera su futuro, e opcionnan ta varia for di renuncia na e presidencia te cu ordena pa rehaci e eleccionnan cu observadornan internacional presente pa sigura cu e voto tin mas credibilidad. Tur desaroyo di e tipo aki por surgi solamente for di negociacionnan intenso cu e oposicion y Merca riba un acuerdo di reparticion di poder y proteccion contra e persecusion penal di Maduro y su aliadonan.