CARACAS, Venezuela ( AP) – Un ex Green Beret Mericano cu na 2020 a organisa un atake sorpresa cu a faya na frontera di militarnan desertor Venezolano pa move presidente Nicolás Maduro a wordo deteni na New York riba cargonan federal di contrabando di arma.
Un acusacion federal revela e siman aki na Tampa, Florida, ta acusa Jordan Goudreau y un socio Venezolano, Yacsy Alvarez, di viola e leynan di control di arma di Merca ora cu supuestamente nan a “traha un show” y manda pa Colombia arma, municion, silencers, night vision goggles y otro ekipo di defensa cu ta rekeri un licencia di exportacion dI Merca.
Goudreau, di 48 aña, tambe a wordo acusa di conspiracion, contrabanda di mercancia for di Merca y posesion ilegal di un machine gun, entre e otro 14 acusacion. GGoudreaua wordo presenta dilanti un corte federal despues di su detencion riba diamars na Manhattan, pero un dia despues no tabata duidelijk si lo e la keda liber wardando su huicio. E tabata deteni den un centro di detenshon federal na Brooklyn.
Goudreau, un persona cu 3x a haya e Bronze Star pa su balor na Irak y Afghanistan, a subi na fama na 2020 ora cu a atribui responsabilidad pa un incursion anfibio di un grupo desorganisa di soldatnan cu a train den campamento clandestino den Colombia. E la bisa cu e y otronan tabata actuando pa proteha democracia di Venezuela despues cu e reeleccion di Maduro na 2018 a wordo boycotea pa e oposicion y condena como antidemocratico pa Merca y decenas di otro pais.