Kiko ta Proton VPN – Cu Proton VPN e por evita censura y bo por tin acceso na websitenan cu por ta blokia den un pais.
E habitantenan di Venezuela lo por beneficia di un servicio gratis di VPN, durante e eleccion presidencial, cu lo permiti nan drenta paginanan web y medionan digital cu actualmente ta keda blokia den e pais.
E servicio a wordo anuncia pa e compania Proton AG, kende a detaya cu lo laga su servernan di e producto Proton VPN gratis na Venezuela.
E accion ta busca pa duna Venezolanonan e posibilidad pa keda informa y evita campañanan di desinformacion.
POR LO MENOS 60 MEDIO DIGITAL Y NUEBE ONG A WORDO BLOKIA NA VENEZUELA
E blokeo di portal digital tabata un strategia uza pa e regimen Venezolano cu cual nan ta busca pa silencia prensa independiente, ademas di medionan internacional y organisacionnan sin fin di |ucro.
E ta detaya cu e pagina web di nuebe ONG tambe tin blokeo di e compania estatal Cantv, y di e companianan priva cu ta opera na Venezuela manera Inter, NetUno, Digitel y Movistar.
“Nos a pone na disposicion server #ProtonVPN gratis na #Venezuela prome cu e #election di e pais riba 28 di juli., Nos kier garantisa cu tur hende tin acceso liber y sin restriccion riba informacion y evita posibel intento di interferencia of campaña di desinformashon”, asina e cuenta di e compania a bisa riba X (Twitter).