Loke e la descubri, sigur lo bay contra tur locual nos tawata asumi.
Neurocientifico Jimo Borjigin, kende no por a kere cu, aunke “muri ta un parti esencial di bida”, nos no tabata sa “casi nada” di e celebro muriendo.
Y ta p’esey, casi accidentalmente, e la investiga pa añanan e funcion di e celebro den organismonan cu a sufri un paro cardiaco.
Den un experimento cu ratonan na 2013, e y su ekipo a mira un aumento grandi den secrecion di neurotransmisor cu a causa un “estado hiperactivo” di e celebronan di e animalnan, aunke nan no tabata ricibi oxigeno mas, loke ta conoci como hipoxia( ora oxigeno ta caba).
Den investigacion despues den e ser humano tambe e la detecta actividad celebral halto, pero solamente den cierto regionnan cu ta asocia cu consciencia, soño y halucinacion visual.
Pa e neurocientifico, di Universidad di Michigan, e observacionnan aki ta relaciona cu loke a wordo registra pa sobrevivientenan di un paro di curason cu tin un experiencia di Near Death, cu ta conta di mira un lus intenso of ta conciente di loke tabata sosode rond di nan.
E DEFINICION DI MORTO
“Mi no sa si bo a yega di mira un persona hayando un atake di curason” e ta bisa.
“E comportacion mas obvio ta, e ta collaps, e ta cay, e ta bay flauw”.
“Bo ta yame na su nomber e no ta contesta, bo ta mishi cu ne e no ta responde e no ta move, ta mescos cu e ta morto”.
Nos mester profesionalnan, pa bisa nos si e persona ta bibo. Hopi biaha ta usa e machinenan di electrocardiogram pa determina esey.
“Pero pa hopi tempo caba, si un hende sufri un paro cardiaco, e dokter ta revisa e brasa of garganta y si e no haya pulso, esey ta nifica cu e curason no ta pomp sanger mas. Esey ta defini como morto clinico”.
BOU DI UN IJSBERG
Borjigin ta considera cu loke e la haña den su estudio ta solamente e punta di un iceberg gigante, bou di cua tin hopi pa descibri.
“Superficialmente, nos sa cu tin hende cu ta sufri un paro cardiaco cu tin e increibel experiencia subhetivo aki y nos datonan ta mustra cu e experiencia aki ta debi na aumento di actividad celebral.
” Pero e pregunta ta: ¿ pakiko e celebro muriendo tin hopi actividad asina intenso”?
Borjigin ta compronde esaki como un manera di sobrevivi e celebro ora e ta ser priva di oxigeno y ta insisti cu e actividad intenso ey den e celebro muriendo ta merece mas investigashon.
“Nos mester investiga, descubri, compronde esei pasobra nos por ta hasiendo diagnosticonsn prematuro di morto di miyones di hende, ya cu nos no ta compronde e mecanismo di morto”.
Cuanto di nos sernan cu a bay, a wordo diagnostica malo?