ORANJESTAD, Aruba – 9 di juni 2024: For di dia 3 di juni te cu dia 7 di juni Aruba Marriott Resort a organisa diferente actividad den cuadro di e celebracion di Associate Appreciation Week. E actividadnan a varia entre bingo, bowling, coremento y trabou comunitario.
“It has been an amazing week”, asina Terry Davis, Human Resources Manager, a cuminsa bisando. Un di e actividadnan preferi pa e asociadonan di Aruba Marriott ta paintball. Tabatin un total di seis team cu a inscribi pa participa, pues un total di 160 asociado di Aruba Marriott a hunga contra otro riba e veld di Hot Triggers.
E manager di recurso humano a describi cu e ambiente tabata “increibel”. E bataya di paintball a tuma luga riba e di cuater dia di celebracion di Associate Appreciation Week. E asociadonan di Aruba Marriott Resort ta traha masha duro y esaki tabata un manera pa distrai y disfruta.
Terry Davis a comenta cu mayoria bes, e asociadonan cu pone nomber p’e wega aki ta hende cu a hung’e aña pasa caba. Paintball ta keda un di e weganan mas solicita. Niun di e asociadonan ta profesional den e wega pero ta haci uzo di e wega pa expresa y relaha. “E entusiasmo y e pasion t’ey”, asina Terry Davis a termina bisando.
Aruba Marriott ta e miho dunado di trabou na Aruba
Aruba Marriott tin hopi beneficio pa tur asociado. Ta considera Aruba Marriott como e miho dunado di trabou aki na Aruba. E empleadonan ta conta cu diferente beneficio, por ehempel den luna di december tur a haya henter un luna extra di salario como holiday bonus. Den luna di december cada asociado a ricibi un gift card balora na 250 florin y ademas a rifa mas di 30.000 florin na premio. Esaki ta djis un ehempel di loke nan a haci den luna di december so, aunke cu henter aña tin actividad pa e asociadonan pa mantene un bon ambiente.
Aruba Marriott ta haci diferente actividad social pero tambe fisico pa su asociadonan. E ta un compania cu asociadonan ta traha solamente cinco biaha pa siman y ta conta cu beneficio di cobertura di gasto di bril y dentista. Un di e beneficionan di mas atractivo ta e descuento cu tur asociado ta haya ora cu nan biaha y keda na cualkier Marriott rond mundo. Si abo ta interesa pa traha cerca e miho dunado di trabou na nos isla, bo por subi https://careers.marriott.com/ y busca Aruba pa evalua tur e posicionnan cu tin disponibel.
Tocante Aruba Marriott Resort & Stellaris Casino
Aruba Marriott Resort & Stellaris Casino a habri na aña 1995 cu 411 camber y a añadi tres camber na 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. Na tur, e famia di Marriott Aruba ta consisti di mas o menos 1300 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
