ORANJESTAD, Aruba – 7 di juni 2024: Aruba Marriott ta den pleno celebracion di su “Associate Appreciation Week”. Separa di varios evento dedica na nan mes, tambe ta scoge algun actividad den cual ta duna bek na comunidad. Marylaine Feliciana, HR Supervisor na Aruba Marriott, a comenta cu e asociadonan a bay SABA den e departamento Azalia pa comparti tempo cu e grandinan.
E asociadonan di Aruba Marriott a haci e hardin limpi y a comparti cu e grandinan hospeda na SABA. Nan a probecha pa drecha huña di e damanan, haci poco zumba y un duna un masashi di man p’e cabayeronan hospedando den SABA. A probecha nan bishita na SABA p’asina hunga bingo cu e grandinan tambe.
Marylaine Feliciana a duna di conoce cu e actividad aki no lo tabata posibel sin e sosten incondicional di Care Foundation. Care Foundation ta un fundacion funda door di e asociadonan di Aruba Marriott mes pa brinda ayudo na diferente fundacion manera Fundacion Pa Nos Comunidad.
Aruba Marriott ta e miho dunado di trabou na Aruba
Aruba Marriott tin hopi beneficio pa tur asociado. Ta considera Aruba Marriott como e miho dunado di trabou aki na Aruba. E empleadonan ta conta cu diferente beneficio, por ehempel den luna di december tur a haya henter un luna extra di salario como holiday bonus. Den luna di december cada asociado a ricibi un gift card balora na 250 florin y ademas a rifa mas di 30.000 florin na premio. Esaki ta djis un ehempel di loke nan a haci den luna di december so, aunke cu henter aña tin actividad pa e asociadonan pa mantene un bon ambiente.
Aruba Marriott ta haci diferente actividad social pero tambe fisico pa su asociadonan. E ta un compania cu asociadonan ta traha solamente cinco biaha pa siman y ta conta cu beneficio di cobertura di gasto di bril y dentista. Un di e beneficionan di mas atractivo ta e descuento cu tur asociado ta haya ora cu nan biaha y keda na cualkier Marriott rond mundo. Si abo ta interesa pa traha cerca e miho dunado di trabou na nos isla, bo por subi https://careers.marriott.com/ y busca Aruba pa evalua tur e posicionnan cu tin disponibel.
Tocante Aruba Marriott Resort & Stellaris Casino
Aruba Marriott Resort & Stellaris Casino a habri na aña 1995 cu 411 camber y a añadi tres camber na 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. Na tur, e famia di Marriott Aruba ta consisti di mas o menos 1300 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
