ORANJESTAD – Aruba, 7 di juni 2024: Den e siman di aprecio pa asociado, Aruba Marriott Resort & Stellaris Casino a organisa un anochi ameno na Eagle Bowling. Reuella Reeberg, Director of Human Resources Operations, a comenta cu bowling ta keda un di e actividadnan preferi di e asociadonan. Durante e actividadnan aki nan ta bin hunto pa pasa un anochi placentero.
E no tabata djis un simpel wega di bowling, sino un “crazy bowling”, e asociadonan mester a hunga bowling di diferente manera. Algun di nan mester a draai ronchi, pasa e bala bou nan pia y mas. Tabatin un DJ pa pone bon ambiente. Apart di bowling, e asociadonan a haya co’i come y co’i bebe.
Reeberg a gradici tur e asociadonan pa e trabou y esfuerso di henter aña largo. Associate Appreciation Week ta un manera pa demostra aprecio y duna danki.
Tocante Aruba Marriott Resort & Stellaris Casino
Aruba Marriott Resort & Stellaris Casino a habri na aña 1995 cu 411 camber y a añadi tres camber na 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. Na tur, e famia di Marriott Aruba ta consisti di mas o menos 1300 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
