Home » Chauffeur a perde control ariba su auto Toyota, un persona a resulta levemente herida

Chauffeur a perde control ariba su auto Toyota, un persona a resulta levemente herida

by Admin
0 comment 208 views

Bloemond – Diaranson mainta den careda di 10’or habitantenan di Bloemond a scucha un zonido duro, mesora a sali pa mira kiko lo por a pasa.

Den e mondi net dilanti ex Radio Kelkboom por a mira un auto Toyota(rhd). E auto tawata tin basta danjo material y por a mira cu e dak banda robes a dobla, un indicacion cu e lo a bolter.

Den e auto tawata tin dos persona, e chauffeur y un mucha homber(10).

Habitantenan a hiba e mucha homber paden, debi cu e no por para den solo. Dado momento e lo a cuminsa saca.

Na yegada di patruya di Santa Cruz y despues dos unidad di trafico, a pidi pa ambulance.

E cabayero di e Toyota a splica cu e tawata bayendo direccion rotonde di Santana di Paradera y pa un of otro motibo e la perde control ariba e auto.
Ariba caminda por a mira unda e la brake, pa despues kita bay rechts, rancando un hala di mata pa termina contra un steun paal di Elmar kibrando e.

Un Rapidresponder di Imsan a presenta y a controla e hobencito na e sitio mes. Un accidente cu sigur por a termina den algo mas serio.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio