Home » “BeYourOwnBoss” di Qredits Aruba cu colaboracion di Aruba Bank a clausura cu su “Pitch Event”

“BeYourOwnBoss” di Qredits Aruba cu colaboracion di Aruba Bank a clausura cu su “Pitch Event”

by Admin
0 comment 68 views

Oranjestad – 03 di juni 2024 – Qredits Aruba, den colaboracion cu Aruba Bank, a clausura cu exito e evento final di “BeYouOwnBoss”, caminda a demonstra e talento di “entrepreneurship” di hobennan rond di nos isla. E evento, cu a tuma lugar na Boulevard Events, a trece hunto hobennan aspirante emprendedor di ocho scolnan participante: C.G. Abraham de Veer School, Colegio San Antonio, De Schakel College (MAVO & HAVO), EduCampus, La Salle College, Maria College, Mon Plaisir College (MAVO & HAVO) y Colegio Nigel Matthew.

Aruba Bank, e patricinador oficial di e evento di aña aki, ta orguyoso di por a duna sosten y promove “entrepreneurship” entre e hobennan di Aruba. E colaboracion ta resalta e compromiso di e banco pa stimula inovacion y habilidad di negoshi den comunidad.

E programa educativo di “BeYourOwnBoss” ta diseָña pa inspira y educa studiante riba e fundamentonan di “entrepreneurship”, duna nan e habilidad y conocemento nesesario pa converti nan idea inovativo den negoshinan exitoso. Den transcurso di e ultimo lunanan, studiantenan di e scolnan participante a traha duro riba nan plan di negoshi, culminando den e evento final di pitch caminda nan a presenta nan idea na un panel di huradonan cu expertisio den nan ramo di trabou.

E panel di huradonan tabata inclui lidernan y expertonan di negoshinan renombra riba nos isla: Sr. Rodney Geerman,  “Assistant Retail Manager Sales and Services” di Aruba Bank; Sra. Twyma van der Biezen, Qredits Aruba; Sr. Diederik Kemmerling, Presidente di Camara di Commercio di Aruba; y Sr. Herrick Henriquez, Director di ATIA Aruba. Nan experencia y conocementonan a provee feedback di gran balor na e participantenan.

Ganadornan di e Final Pitch di “BeYourOwnBoss” categoria MAVO:

Prome lugar: Compania “NA Skin Care” representando La Salle College

Di Dos lugar: Compania “Boss Cases” representando Maria College

Di Tres lugar: Compania “Yarn and Beauty” representando C.G. Abraham deVeer school

Ganadornan di e Final Pitch di “BeYourOwnBoss” categoria HAVO:

Prome lugar:  Compania “Youthful Happy Mind” representando Colegio Nigel Matthew Aruba

Di Dos lugar: Compania “Fit Slice” representando Mon Plaisir College

Di Tres lugar: Compania “Click ‘n Go” representando De Schakel College

Aruba Bank ta orguyoso di forma parti di e iniciativa aki cu ta duna sosten na e siguiente generacion, cual ta essencial pa e desaroyo economico y inovacion di nos isla. Nos ta spera cu e ideanan di lidernan hoben aki por prospera den negoshinan local y alabes ta felicita tur scol cu a forma parti.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio