238
Jan Flemming: Diahuebs algo despues di mey anochi polis a bay den area di Jan Flemming pa motibo cu lo tin un palo di luz na candela. Na yegada enberdad nan a bin topa cu e palo di luz na candela.
Mesora a pidi pa presencia di brandweer y Elmar.
Brandweer a logra hopi lihe di domina e candela. Pa asina e tecniconan di NV ELMAR por a cuminsa cu e trabounan di reparacion y den algun minuut e tecniconan a logra reestablece e suminstro di coriente pa e area afecta.
Kiko ta e motibo exacto pakiko e palo di luz a pega candela no ta conoci, probablemente e lo por tin di haber cue temporada di calor extremo y secura.
(Potret FB page NV ELMAR)