181
Boca Catalina – Diahuebs den oranan di mainta polis y despues ambulance a bay pura unda hende ta landa na Boca Catalina. Eynan un persona segun prome informacion lo a hoga.
Na yegada di polis nan a bin topa cu un otro situacion danki Dios.
Un cabayero turista lo a hay’e den problema durante cu e tawata den lama, pero a logra yega tera unda cu por a mir’e sinta na canto cu algun persona.
Ambulance mientrastanto tawata na caminda pa e sitio, y na yegada Paramediconan a atende cu e turista cu por bisa a scapa. Pakiko nos ta bisa a scapa, debi cu eynan ta hopi hende a yega di perde nan bida den lama.