E auto luhuso, completo cu lusnan di polis y sirena, a wordo presenta diahuebs siman pasa como parti di un esfuerso pa atrae oficialnan nobo pa e cuerpo.
Tur e gastonan asocia cu e Rolls-Royce tabata patrocina pa Braman Motors, un dealership local di auto, den colaboracion cu e ciudad di Miami Beach.
Vocero di e departamento, Christopher Bess, a bisa Miami Herald cu pagadornan di belasting no a cubri ningun costo relaciona cu e vehiculo y cu como e ta parti di e flota di Braman, e agencia mes lo paga mantencion. E auto ta presta na e departamento y lo ser entrega bek, asina e la bisa.
E 2012 Rolls Royce Ghost tin un balor di $250,000.
No ta mucho duidelijk con e Rolls Royce lo a ser usa pa yuda atrae oficialnan nobo na e cuerpo.
Bess, e vocero di polis, a bisa cu e ” metodonan tradicional di reclutamento “no ta suficiente mas pa atende cu e diferente necesidadnan y aspiracionnan di e siguiente generacion di profesionalnan encarga cu e parti di husticia.”
“Brasando innovacion y creatividad, nos por atrae hende cu ta para pa e balornan di integridad, servicio y excelencia cu ta fundamental pa nos profesion”, e la bisa.
Miami Beach Police a ricibi varios golpi di reputacion den ultimo añanan, incluso na 2021, ora cu cinco agente a wordo acusa penalmente pa a bati un turista color scur. E departamento a ser elogia despues di e temporada di vakantie (Spring Break) di e aña aki na maart, cu tabata esun mas trankil di e ultimo añanan.