Wayaca – Diaranson anochi den careda di 8’or brandweer y polis mester a bay altura di FCCA na Wayaca pa un auto na candela ariba caminda.
Brandweer a yega y berdad a topa cu un auto Hyundai Getz na candela. Por a mira cu e candela lo a cuminsa dilanti, y esaki a destrui mayoria di e auto.
Doño di e auto cu ta un dama, mirando kiko tawata pasando cu e auto a pone cu e la bira malo.
Pa e motibo aki presencia di ambulance tawata necesario, debi cu e muhe posiblemente lo ta un hartpatiënt y a cay flauw.
E candela a wordo domina, pero lamentabelmente e vehiculo no ta sirbi pa nada mas.
Paramediconan cu a yega a bay atende cu e dama, pero despues di bastante rato cu a papia cu ne y a control’e e no tawata desea di bay Hospitaal pa un extra controle.
