Home » Aruba Bank y Sentoo ta Asocia pa haci Pagonan Local Online facil 

Aruba Bank y Sentoo ta Asocia pa haci Pagonan Local Online facil 

by Admin
0 comment 112 views

 

Oranjestad – Maart 15, 2024: Aruba Bank ta anuncia cu orguyo un colaboracion  strategico cu Sentoo, un metodo di pago interno di confiansa pa un miho comodidad di  e cliente. E sociedad aki ta permiti na e cliente di Aruba Bank uza sin niun problema  Sentoo pa diferente transaccionnan online, incluyendo compra den webshop y pagonan  a traves di links of QR code. 

Sentoo ta debita di manera eficiente e transaccion an den e cuenta di tur usuario di  Aruba Bank, garantisando un proceso di pago sigur y senci yo. E integracion aki ta den  su fase final y lo ta disponibel pa cliente di Aruba Bank den e proximo lunanan. 

Innovacion den Pago Online  

Sentoo ta ofrece solucionnan na vanguardia pa haci pagonan directo na compania y  organizacionnan a traves di Online Banking. Cu conexion directo na Online Banking y  e Mobile App di Aruba Bank, Sentoo ta simplifica e proceso di pago, mehorando e  experiencia general di pago online pa e cliente di Aruba Bank. 

“Na medida cu mas persona ta duna prioridad na e comodidad, Aruba Bank ta compromete pa ofrece solucionnan innovativo manera Sentoo. E colaboracion aki ta  alinea cu nos compromiso di duna servicionan financiero eficiente y s igur”, ta afirma  Ramon Mas, Head of Corporate and Platinum Banking Aruba Bank N.V. 

Transaccion mas facil y rapido 

Sentoo ta elimina e necesidad pa cliente tin cu bishita e sucursalnan of tin cu introduci  di forma manual informacion di pago. E cliente di Aruba Bank pronto lo tin acceso na  Sentoo sin registracion adicional y sin download un app, y no tin costo adicional asocia pa e consumido. 

Transaccion Online di forma sigur 

Pa e cliente comercial di Aruba Bank, e asociacion aki ta permiti pa nan registra cu  Sentoo pa acepta pago online di un forma sigur. Sentoo ta ofrece solucionnan pa e  comercio electronico, facturacion y donacionnan cu ta cumpli cu stricto rekisitonan  bancario. Vincent van Rutten, cofundador di Sentoo ta expresa hopi entusiasmo pa e  colaboracion y ela bisa: “Nos ta hopi complaci di introduci esaki pronto na Aruba Bank.  E asociacion aki ta refleha e reconoc emento di Aruba Bank na Sentoo como un solucion  alinea na e necesidad y expectativanan cambiante di e consumidornan.” Pa mas  informacion bishita https://sentoo.io 

Pa mas informacion tocante Aruba Bank y Sentoo, y pa aaplica, por fabor bishita www.arubabank.com/sentoo-for-business 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio