Home » MINISTER ENDY CROES TA FELICITA WYNDEL BEYDE CU SU LOGRO HISTORICO PA ARUBA

MINISTER ENDY CROES TA FELICITA WYNDEL BEYDE CU SU LOGRO HISTORICO PA ARUBA

by Admin
0 comment 102 views

 

Despues di 16 aña Aruba ta conkista medaya di brons den Carifta Track and Field Championship na Granada.

ORANJESTAD: Diasabra den ora tempran di mainta, Minister Endy Croes, famia y amigo a ricibi nos atleta Wyndel Beyde na su yegada na Aeropuerto Internacional Reina Beatrix. Recientemente, Wyndel a participa den Carifta Track and Field Championship 2024 cu a tuma luga na Granada. Wyndel a core 1500m y 3000m den e campeonato di atletismo. Wyndel a conkista den tur dos careda medaya di plata. Esaki sigur tabata un momento historico pa Aruba, unda cu despues di 16 aña Aruba ta logra medaya di plata den atletismo di Carifita 2024.  Wyndel a expresa cu e ta sinti hopi orguyoso y cu e careda a bay hopi bon. “Si bo traha duro, bo ta logr’e”, el a indica. Den nomber di Gobierno di Aruba, Minister Endy Croes a felicita Wyndel pa e logro aki. Alabes e mandatario di Deporte a informa cu pronto Aruba lo tin un track and field nobo y moderno cu ta cumpli cu e standardnan internacional. Minister Endy Croes ta gradici y felicita directiva di Aruba Athletic Federation (AAF), coach y mayornan pa nan tremendo guia, sosten y apoyo na nos atleta pa nan por a logra e gran exito aki.  “Di curason masha pabien” Minister Endy Croes a expresa. Cu deseo, disciplina, dedicacion y determinacion boso a logra. Aruba ta orguyoso di boso!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio