L.G.Smith Boulevard – Diadomingo den oranan di merdia, den careda di 2’or brandweer ta sali pa huma saliendo di un edificio ariba L.G.Smith Boulevard.
Na yegada e luga a bin resulta di ta All to Car. Polis tambe a yega despues di un rato y a cuminsa tira bista rond. Na prome instante no por a mira huma, pero si un holor di candela.
E momento eynan a cuminsa pensa cu locual ta kimando mas sigur ta paden.
A opta pa bay kibra e candal pa drenta, pero algun minuut mas laat esey no tawata necesario debi cu un persona encarga cu e luga a yega y a usa yabi pa drenta.
Bomberonan a drenta paden pa controla y a bin descubri cu na banda o sea unda tin un garage, dos homber lo tawata kimando koper den un garetia.
Atencion di ambos a wordo hala. No ta conoci si e dos personanan aki ta empleado di e mes un negoshi of di un negoshi na banda.
Pues un rato diadomingo merdia adrenalina a subi un poco pa esnan den e tereno ey.
