E muchanan y nan creatividad a resalta durante e exposicion aki
Recientemente, Minister di Cultura tabata tin e grato placer di duna inicio na e Arco Expo di Arco Iris Kleuterschool. E exposicion aki tabata yena cu creatividad y informacion di e muchanan cu a presenta nan bunita obra na e mandatario.
Minister Maduro a bishita cada klas pa asina admira e obranan traha na man, tabata tin di Kapel di Alto Vista te cu Baby Beach, tur diferente sitionan cu ta sumamente popular cerca nos muchanan. Locual a resalta di e mainta aki tabata con mayornan, wela y welo, famia a yuda e muchanan cu nan presentacion, mustrando e union cu ta e forsa tras di e muchanan.
Minister Maduro ta gradici cabesante Nelly Orman – de Cuba pa e invitacion y tur maestra y maestro pa e mainta ameno aki. Un danki special ta bay na tur mucha cu nan bunita exposicion cu a demostra un biaha mas e amor cu nos muchanan tin pa nos Pais.
