Home » Kiwanis Club of Aruba su di 14 edicion di torneo di golf caritativo a surpasa expectativanan

Kiwanis Club of Aruba su di 14 edicion di torneo di golf caritativo a surpasa expectativanan

by Admin
0 comment 108 views

 

Oranjestad,- Diadomingo 24 di maart, Kiwanis Club of Aruba (KCA), e service club cu ta existi desde 1964, a organisa nan famoso torneo di golf caritativo na The Links at Divi Aruba. E evento a wordo sosteni door di un record di 22 hole sponsors como patrocinador principal y alabes un cantidad di 100 hungadonan di golf, cu a surpasa tur expectativanan.

E fondonan recauda pa e aña aki a wordo aloca entre Muchila Creativo – AWG 5000 a wordo otorga pa nan por cumpra un airco asina aporta na nan proyecto di conscientisacion y educacion sexual integral dirigi pa mucha y hoben uzando videonan moderno den un estilo accesibel. Un otro fundacion cu tin un proposito hopi importante y urgente ta Fundacion Contra Violencia Relacional (FCVR); AWG 5000 a wordo otorga na FCVR pa asina sigui construi nan Women’s and Children center, cu ta fungi alabes como un refugio y guia pa yuda mamanan sali hunto cu nan yiunan for di un situacion domestico peligroso.

KCA kier a gradici di curason nos socionan y patrocinadornan principal: Aruba Trading Company , Yrausquin, The Links at Divi Aruba y Elite Productions pa unabes mas colabora hunto cu KCA como un ekipo solido pa logra e exito di nos 14 torneo di golf caritativo”.

E ganadonan di e torneo ta como lo siguiente:

Closest to the Pin: Robert Aldrich
Longest Drive Ladies: Julie Majerus
Longest Drive Men: Chris Williams
Best Gross: Pierre Rafini, Greg Martis, Giovanny Atencio, Alex Molina
Best Net: Charles Latham, Derrick Huntington, Julie Majerus, Joshua Hubbard

E anja aki como premio pa e hole-in-one tabata un Ford Territory Trend 2024 cu a sser poni disponible pa Yrausquin. Lastimamente niun hungador tabatin e ssuerte e anja aki pa hasi un hole-in-one, dus nos ta spera cu esaki si lo ta e caso pa otro anja!

KCA ta extende un danki di curason na tur hungadonan y hole sponsors (secuencia alfabetico): Advance HR, Aeropuerto International Reina Beatrix, AIB Bank, Arugas, Astec, Axioma Corporation, Banco di Caribe, CMB Bank, Compliance & Forensic Services Caribbean, Discovery Travel, Eagle Aruba Resort & Casino, Ennia Insurances, Garage Centraal, Interport Logistics, Klatt & Partner, Medwork Caribbean, Nagico Insurances, Papia Mia, Payroll Pro HRM, RBC bank, Satex, Total Finance pa nan sosten financiero den e torneo aki.

Otro anja lo tin dobel celebracion; lo tin e di 15 edicion di e charity golf tournament mientras cu e club lo celebra su di 60 aniversario trahando na bienestar di e comunidad Arubano!

Kiwanis Club of Aruba ta existi desde 21 di november 1964 y ta un di e service clubs mas antiguo di Aruba cu un total di 40 miembro. E meta principal di KCA ta pa mehora e bidanan di muchanan na Aruba. Esaki ta wordo realisa door di organisa diferente proyectonan pa recauda fondo, trabounan boluntario y proyectonan di concientisacion. Pa mas informacion tocante Kiwanis Club of Aruba por fabor bishita nos pagina riba Facebook.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio