Subiendo trapi, dama ta lesiona su enkel seriamente

Palm Beach – Dialuna den ora di atardi pa anochi polis a bay poco pura pa un gritamento di un muhe cu tawata bin di e parti ariba di e compleho.

Polis a topa cu un dama cu tawata sclama di bastante dolor. A resulta cu durante cu e dama lo tawata subiendo e trapi algo a bay robes.

Den e movecion e lo a troce su pia y muy probablemente a kibra su enkel, y esaki tawata hopi dolor.

Ambulance a wordo pidi, y na yegada Paramediconan no a hay’e facil, debi cu mester a trata cu cautela pa stabilisa e lesion.

A dura basta rato, pa por a bah’e y pone den ambulance.

Pues un descuido a causa cu e dama a pasa den minuutnan largo di dolor. Slachtofferhulp tambe a wordo poni na altura.