Home » Aruba Bank Circular Economy School Challenge su ganadornan ta conoci.

Aruba Bank Circular Economy School Challenge su ganadornan ta conoci.

by Admin
0 comment 93 views

Oranjestad – E proyecto educativo di Aruba Bank cohuntamente cu Impact Blue riba e topico di Circular Economy a culmina diabierna 22 di maart, despues di e School challenge cu a tuma lugar na Aruba Bank su oficina principal.

E evento, dirigi pa Roxanne Croes, Sr. Marketing Officer ta e culminacion di lunanan di trabou duro, dedicacion y innovacion di e scolnan participante.

Un panel di huradonan, incluyendo Juliet Carvahal (Impact Blue), Tyson Lopez (Parke Nacional Arikok), y Kathy Scholiers (Aruba Bank), tabatin e tarea dificil di evalua e proyectonan presenta door di cuatro scol:

Nos Fortalesa Montesorri Children’s House, EduCampus Aruba, International School of Aruba, y Colegio Felipe B Tromp.

Den nomber di Aruba Bank, Roxanne Croes, a duna bon bini na e participantenan, huradonan, y miembronan di prensa y demas presente. Despues di esaki, cada scol a presenta nan proyecto, resaltando nan enfoke unico pa aplica e principionan di economia circular den nos bida diario sea na scol of na cas.

Representantenan di Nos Fortalesa Montesori Children’s House, EduCampus Aruba, International School of Aruba, y Colegio Felipe B Tromp a impresiona e audiencia cu nan ideanan innovativo y solucionnan practico.

Despues di e presentacionnan, e huradonan a reuni pa delibera mientras tur presente a disfruta di un dushi treat.

E team cu a keda na prome lugar ta Colegio Felipe B Tromp, na di dos lugar Nos Fortalesa Montersoori Childrens’ House, tercer lugar EduCampus Aruba y tambe a anuncia un premio adicional pa International School cu tambe a forma parti di e School Challenge.

Huradonan a comparti feedback constructivo na tur participante pa sigui stimula e creatividad.

“Nos ta increiblemente orguyoso di tur e scolnan participante y dedicacion na e Proyecto di Aruba Bank Circular Economy,” Nelleke Cardenas, a bisa.

E creatividad y compromiso cu sostenibilidad realmente a pone un standard halto pa esfuerzonan den sostenibilidad den nos comunidad bao di nos jovennan.

E proyecto di Aruba Bank Circular Economy ta representa un paso significativo pa promove sostenibilidad y innovacion entre e hubentud di Aruba.

Mientras e evento ta yega na su fin, e organisadornan ta expresa nan gratitud na e scolnan y studiante participante, huradonan, y specialmente tur docente pa giua e studiantenan durante e proceso.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio