Oranjestad – 21 di maart, 2024 – Como parti di e proyecto ‘BeYourOwnBoss’ den colaboracion cu Qredits Aruba, Aruba Bank a bishita un klas di studiantenan di Colegio San Antonio.
Nan a ricibi un presentacion for di nos Assistant Retail Sales and Services Manager, Sr. Rodney Geerman.
E topiconan presenta durante e bishita aki ta e diferencianan cu un cliente por experiencia durante e proceso di habri un cuenta personal versus un cuenta di negoshi.
Adicionalmente, a splica poco tambe di e diferente departamentonan cu tin na Aruba Bank.
E studiantenan cu ta participa den e proyecto ‘BeYourOwnBoss’ pa varios luna caba, ta siñando diferente topico tocante di bira empresario y con pa haci esaki exitosamente.
Cu hopi entusiasmo, studiantenan a siña mas, pa nan por haya mas informacion necesario ora e tempo yega pa nan habri un cuenta di banco pa uzo personal of negoshi.
Aruba Bank ta gradici Colegio San Antonio pa haci e bishita aki posibel.
Hopi exito den e ultimo fase prome cu e evento final!