Oranjestad – Aruba Bank orguyosamente a patrocina varios iniciativanan pa Dia di Himno y Bandera rond di nos isla, demonstrando su compromiso cu envolvimiento comunitario y cultural.
Entre e iniciativanan a patrocina tabata e Celebracion di Himno y Bandera anual organisa pa Fundacion Chico Harms.
E evento e aña aki tabata uno bon bishita, cu a consisti di weganan popular, show di baile, musica tradicional di caha di orgel y un grupo folklorico.
Bishitantenan tabatin e oportunidad pa cumpra cuminda autentico na e cushina criollo di e evento.
Ademas, Aruba Bank a sostene e evento di Dia di Himno y Bandera den e bario di Piedra Plat door di patrocina un pop-up skatepark organisa pa House of Skate na Centro di Bario Piedra Plat.
E iniciativa aki a wordo organisa pa brinda un lugar di entretenimento sigur pa e comunidad disfruta di actividadnan di skateboard en conexion cu celebracion di Dia di Himno y Bandera.
Nos a celebra tambe cu nos clientenan den tur sucursal, door di duna tur cliente un dushi treat durante nan bishita en conexion cu e celebracion di Himno y Bandera.
Pa clausura e celebracion, nos a organisa un wega online unda tur participantenan tabata tin e chens pa selecta mas bandera di Aruba cu nan por y tabata tin e chens di por gana un gift card na balor di AWG 250.
Aruba Bank ta orguyoso di por a patrocina e iniciativanan pa Dia di Himno y Bandera.