Home » Prome Minister Evelyn Wever-Croes: CU UN MARCHA CULTURAL YENA CU CREATIVIDAD ST. PAULUS SCHOOL A INICIA E CELEBRACION DI DIA DI HIMNO Y BANDERA

Prome Minister Evelyn Wever-Croes: CU UN MARCHA CULTURAL YENA CU CREATIVIDAD ST. PAULUS SCHOOL A INICIA E CELEBRACION DI DIA DI HIMNO Y BANDERA

by Admin
0 comment 92 views

 

Un marcha bunita y cu hopi ambiente

ORANJESTAD — Diabierna atardi dia 15 di maart, e pueblo di San Nicolas y Aruba en general a disfruta di un bunita marcha cultural presenta pa St. Paulus School. Durante e atardi aki Prome Minister Evelyn Wever-Croes y colega minister Xiomara Maduro tawata presente y a keda hopi contento y inspira cu locual e muchanan a trece dilanti durante a marcha aki.

Prome Minister expresa cu el a keda impreciona cu e beyesa di e marcha pero principalmente cu e creatividad y e temanan cu a scoge pa e marcha aki. A trata di nos turismo, di e desaroyo economico di San Nicolas y di henter Aruba. Muchanan hopi contento y anima a representa e cultura di nos dushi isla bailando y gozando durante e marcha aki. Prome Minister ta felicita Meneer Randy y henter su ekipo di docente, tur mayor y voluntario y specialmente e muchanan, cu a haci nan maximo esfuerso pa e marcha aki tawata un exito total.

“Esaki tawata un manera bunita pa cuminsa cu e celebracion di e fin di siman di Dia di Himno y Bandera. Pabien y danki pa sigui inculca den nos muchanan e amor pa nos pais, nos cultura, nos bandera y nos himno, pasobra ora muchanan ta lanta cu e amor aki den nan curason, mayan nos sa cu nan lo sigui cuida y stima Aruba. Danki y pabien!”, Prome Minister a expresa.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio