Home » AHATA: Februari tabata un luna druk

AHATA: Februari tabata un luna druk

by Admin
0 comment 105 views

 

ORANJESTAD, Aruba – 15 Maart 2024: Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y Presidente & CEO di AHATA, Tisa LaSorte, ta anuncia cu Februari tabata un luna cu ocupacion y RevPAR halto. Februari normalmente ta e luna mas fuerte di henter aña.

FEBRUARI 2024:

⦁ Ocupacion: E grado di ocupacion tabata 91%; cual ta 9% mas cu grado di ocupacion na Februari 2023 y 1% menos cu 2019.
⦁ ADR: E balor averahe di cada camber bendi tabata $441.42; un aumento di 4% compara cu Februari 2023.
⦁ RevPAR: E entrada averahe pa tur camber disponibel tabata $400.93 cual ta 13% mas cu na 2023 y 19% mas cu na 2019. RevPAR ta e indicador di e resultado financiero prome cu desconta gastonan operacional y impuesto.

 

JANUARI – FEBRUARI 2024:

⦁ Ocupacion: E ocupacion averahe di prome 2 luna di aña tabata 88%; un aumento di 6% compara cu e mesun temporada na 2023 y 3% menos cu e mesun temporada na 2019.
⦁ ADR: E balor averahe di cada camber bendi tabata $433.05; cual ta 3% mas cu e mesun temporada na 2023.
⦁ RevPAR: E averahe di prome 2 luna tabata $382.09; 9% mas compara cu e mesun temporada na 2023.

PROYECCION:

Proyeccion actual pa ocupacion averahe di hotel pa Maart ta 90%, April ta 85%, y pa Mei ta 77%.
E expectativa pa aña 2024 su ocupacion averahe ta 80.7%, cual ta representa un aumento di 3% compara cu e averahe di 2023 y un reduccion di 5% compara cu e averahe di 2019.

TIMESHARE:

Ocupacion na propiedadnan Timeshare tabata 93% na Februari 2024.

 

Hotel miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Embassy Suites by Hilton Aruba, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Ocean Z Hotel, Paradera Park, Radisson Blu Aruba, Rehoboth Peaceland Boutique Hotel, Renaissance Wind Creek Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.

Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club, The Mill Resort.

Vacation rental miembro di AHATA: Aramis Real Estate, Aruba’s Life Vacation Residences, Casiola Aruba, Cobalt Blue Residences, Turibana Plaza, Santa Lucia Landhuis, Russo Real Estate.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio