Home » La Cabana a organisa su celebracion di tres dia di Himno & Bandera

La Cabana a organisa su celebracion di tres dia di Himno & Bandera

by Admin
0 comment 107 views

 



Celebracion di nos Himno & Bandera riba 18 di maart ta un dia nacional hopi stima cual
ta conmemora e prome propuesta pa Aruba su separacion for di Antiya Hulandes na 1948.

Binti ocho aña a pasa despues di e propuesta inicial ey unda cu na 1976 lider politico Betico Croes a declara e prome bandera y dia nacional, un celebracion patriotico, diseña pa celebra cu cuminda local, cultura, presentacionnan folklorico, parada di scout, parada clasico di auto, eventonan deportivo, y tanto otro actividadnan special na museonan y rond di diferente bario.

Aruba su Status Aparte a yega na 1986 declarando e isla un entidad independiente di Reino Hulandes.

Na La Cabana Beach Resort & Casino, tin un celebracion cu ta dura tres dia largo cual a tuma luga e siman prome cu nos dia nacional. Cumisando cu un presentacion pa Royal Aruba Aloe na unda cu empleadonan ta siña tocante e historia di Aruba su cultivacion di Aloe pa uzo medicinal y beneficionan cu e mata aki tin. Empleadonan ta experiencia un cantidad di catividad manera corta aloe y saca su gel, un presentacion bastante interactivo. Un danki grandi ta bay na Royal Aruba Aloe pa e comienso educacional aki pa loke ta e celebracion nacional.

Riba e di dos dia di celebracion, Santa Rosa pa medio di Randy Maduro y Ludwig Rasmijn ta bini pa duna un presentacion enfoka riba e isla su plantanan medicinal. Dos lectura ta captiva e audiencia cu topiconan informativo cu ta ofrece mas conocemento den loke ta practicanan curandero y poder natural di nos isla su flora. Empleadonan ta keda inspira pa loke ta e herencia botanico di Aruba. Un danki grandi ta bay na Santa Rosa, pa e informacion cu nan ta brinda cual tin asina hopi balor.

Riba e di tres dia, na honor di Aruba su Himno & Bandera, e resort ta ripiti e tradicion anual di bandera, un ceremonia ameno, na comienso di e dia di trabao. La Cabana Beach Resort & Casino su empleadonan ta bini hunto den union y orguyo, den combersacion y bon ambiente, conhuntamente cu bishitantenan cu tambe ta comparti e orguyo. Mientras ta hisa e bandera na halto, Maruschka Violenus ta canta e himno, Aruba Dushi Tera, cu hopi calor y intencion.


E celebracion ta continua durante e dia cu Chit Chat Cafe, na unda cu empleadonan ta keda entreteni pa bailenan cultural pa medio di Gucci Dancers. Cushina autentico Rubiano, y musica di nos musico local Robert Thiel, un combinacion perfecto pa tin un dia yena cu alegria, un dushi celebracion y aprecio enorme pa loke ta Aruba su cultura unico.


Un gradicimento di curason ta bay na e comision social pa organisa e evento di tres dia aki. Como tambe un gradicimento special n’e team culinario pa prepara specialidadnan tremendo, agregando hopi sabor na e festividadnan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio