Home » Evento di Apertura di ARUBA DOET na Cas di Cultura! 

Evento di Apertura di ARUBA DOET na Cas di Cultura! 

by Admin
0 comment 111 views

 

Oranjestad, Aruba – 15 di Maart, 2024 – Un evento emocionante a tuma luga dia 14 di maart  na Cas di Cultura Aruba, e unico teatro den Caribe Hulandes, organisa pa CEDE ARUBA cu  sosten di Oranje Fonds. Un ceremonia agradabel cu hopi invitado y organisacionnan  social. E invitadonan honorabel tabata e clientenan cu necesidad special for di varios  organisacionnan non-gobernamental. 

E programa a cuminsa cu un concierto di e banda Blue Mermans cu algun bon cancion pa  canta y baila hunto. Despues di e banda, coordinador di ARUBA DOET Paulien ter Meulen a  duna un caluroso discurso di introduccion. Paulien a menciona cu durante di e fin di siman  aki, ARUBA DOET tin 172 proyecto registra cu participacion di mas cu 3.700 boluntario. Tin  

ainda algun proyecto riba diasabra venidero cu ta busca boluntarionan. Pa aplica, por  bishita www.arubadoet.com. 

E boluntario special e anochi aki tawata Ataniro! E a entretene e multitud cu algun di su  cancionnan clasico y a baila hunto cu e invitadonan dilanti di e podium. E nochi a caba cu  un festival di karaoke, unda hopi cliente cu necesidadnan special a subi riba e scenario y  canta nan cancionnan preferi. 

CEDE ARUBA y Oranje Fonds kier gradici tur hende pa nan presencia y ta desea tur  organisacion participante y nan voluntario un bon weekend cu ARUBA DOET.  

Pa mas informacion, por tuma contacto cu: 

Paulien ter Meulen 

Organisador di Aruba Doet 

+297 5929545 

[email protected] 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio