Home » E COMPLEHO DI ARUBA MARRIOTT TA FELICITA FELISIANO HANLEY,  JORDANO YARZAGARAY, JOSHUA PERS, Y ELLERY BRIESEN CU NAN  RECONOCIMENTO DI SR. BILL MARRIOTT PA A SALBA BIDA DI UN HUESPED

E COMPLEHO DI ARUBA MARRIOTT TA FELICITA FELISIANO HANLEY,  JORDANO YARZAGARAY, JOSHUA PERS, Y ELLERY BRIESEN CU NAN  RECONOCIMENTO DI SR. BILL MARRIOTT PA A SALBA BIDA DI UN HUESPED

by Admin
0 comment 117 views

 

PALM BEACH, ARUBA – February 2024 – E compleho di Aruba Marriott ta felicita Felisiano  Hanley – Loss Prevention Supervisor, Jordano Yarzagaray, Joshua Pers, y Ellery Briesen – Loss Prevention Officers cu nan reconocimento di Sr. Bill Marriott, despues di a salba bida di un  huesped – Sra. Lapman – kende tabata hospedando na Marriott’s Aruba Surf Club na  November 2023. 

E reconocimento aki ta conoci den Marriott International como e ‘Chairman’s Citation’ award, cual ta diseña pa reconoce asociadonan cu tabata parti di un esfuerso pa salba un bida, pa  asina gradici e asociado pa nan acto di balentia y alabes promove seguridad general dentro di e  compania di Marriott International.  

Entrenamento, teamwork, y balentia tabata e formula cu a yuda salba bida di e huesped ora cu  a bati alarma pa ayudo den un camber, pa motibo cu un huesped a stop di hala rosea y  reacciona. Felisiano a reacciona inmediatamente, garando e machin di oxigeno, mientras cu  Jordano a gara e ‘automated external defibrillator (AED)’. Na caminda pa e camber, a despacha  Ellery y Joshua, cu por medio di e lift di servicio a bin dibiaha pa e camber pa asina duna  asistencia por medio di CPR y usando e ‘automated external defibrillator (AED)’ y stabilisa e  huesped mientras tabata en espera di yegada di ambulance.  

E reaccion y accion di Felisiano, Jordano, Ellery, y Joshua tabata un acto heroico y di admira,  cual sigur Sr. Bill Marriott tambe a reconoce den un forma bunita di aprecio por medio di e  reconocimento grandi aki.  

General Manager di Compleho, Raoul Lemmerling conhuntamente cu Marriott’s Aruba Surf  Club su General Manager, Joop Bangma, a otorga e reconicimento special aki personalmente  na e asociadonan menciona. 

E gerencia y staff di e compleho di Aruba Marriott ta hopi orguyoso y agradecido na e heroenan  aki y ta felicita nan cu e reconocimento significante aki. 

Mas di e Compleho di Aruba Marriott: 

Aruba Marriott Resort & Stellaris Casino a habri na aña 1995 y tin 414 camber. Na aña 1999 a  habri Ocean Club cu 311 camber y na aña 2004 a habri Surf Club cu 900 camber. En total, e  famia di Aruba Marriott ta consisti di mas o menos 1300 empleado den servicio directo. E  compleho di Aruba Marriott ta esun di mas grandi den henter Caribe, tanto den cantidad di  camber como den cantidad di empleado. 

### 

CONTACT 

Noémi Tromp 

Marketing Manager  

Aruba Marriott Resort & Stellaris Casino 

520-6039 | [email protected] 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio