ORANJESTAD, Aruba – Recientemente, riba e beach di Aruba Marriott, e compleho di Aruba Marriott a celebra y reconoce su asociado- y lidernan cu a resalta den nan trabao durante e transcurso di aña 2023.
E asociadonan y lidernan nomina a wordo scogi door di nan supervisor, manager y e team ehecutivo pa nan excelente trabao y dedicacion durante full e aña. E premionan cu a wordo otorga ta ‘All Star Team of the Year’, ‘Associate of the Year’, ‘Supervisor of the Year’ y ‘Manager of the Year’.
Despues di un cena sabroso, acompaña pa entretenimento di ’NFUZION, e team ehecutivo a anuncia e feliz ganadornan di aña 2023. E asociadonan cu a wordo reconoci como ‘All Star Team of the Year’ ta:
- Jean Claudia van der Linden – Ruth’s Chris Steakhouse
- Marie Joseph – Housekeeping Resort
- Joanna Pers – Front Office Surf Club
- Olga Madroñero Perez – Housekeeping Surf Club
- Rose-Ann Franken – Human Resources
E asociado kende a wordo otorga e reconocimento di ‘Associate of the Year’ a keda den persona di Marie Joseph di e departamento di Housekeeping Resort
E supervisor kende a wordo otorga e reconocimento di ‘Supervisor of the Year’ a keda den persona di Gabriela Aman Argoti di e departamento di Front Office Surf Club
Y por ultimo e manager kenda a wordo otorga e reconocimento di ‘Manager of the Year’ a keda den persona di Sibella Jansen di e departamento di Finance & Accounting
General Manager di e compleho di Aruba Marriott, Sr. Raoul Lemmerling, hunto cu e team ehecutivo y staff di Aruba Marriott ta orguyoso di tur e nominado- y ganadonan y ta felicita nan cu e logro bunita aki.
Pa esunnan interesa pa cuminsa nan carera na Aruba Marriott, por bishita www.marriott.com/careers pa aplica.
Aruba Marriott Resort & Stellaris Casino a habri na aña 1995 cu 411 camber y a añadi 3 camber na 2018. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1400 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
