Bou di tratamento medico ta inclui materialnan di cuido cu ta necesario pa e aseguradonan por hiba un bida mas normal y saludabel cu ta posibel. Despues di e proceso di destaho publico, Organo Ehecutivo AZV (OE AZV) ta informa tur su aseguradonan cu ta usuario di materiaal di incontinencia (pull ups, kathethers, etc), cu entrante 1 di april 2024 tin un proveedor nobo y esaki ta bira Visser Trading.
Danki
OE AZV ta haci uzo di e oportunidad pa gradici Martijn Trading kende e ultimo añanan tabata e proveedor y a duna servicio na e grupo di aseguradonan aki cu tabata alrededor di 2600 persona. Yegando final di nan contracto, Martijn Trading lo haci su maximo esfuerzo pa un traspaso trankil y entregamento di e materiaal manera custumber (of cu ainda falta) na e aseguradonan di AZV. Pa cu esaki ta pidi pasenshi di parti di e aseguradonan ya cu tabata tin poco contratiempo cu e yegada di e material for di exterior, sin embargo Martijn Trading ta haciendo su maximo esfuerzo pa cumpli cu cada asegurado.
Bon bini
Visser Trading desde 1 di april lo keda encarga cu e entregamento di e materiaal di incontinencia. Nan mes lo comunica cu e grupo di asegurado. OE AZV ta pidi cada asegurado -usuario di materiaal di incontinencia- pa tuma nota di e cambio importante aki y duna oportunidad na Visser Trading pa cumpli cu nan tarea nobo aki.
Contacto
Pa e aseguradonan cu tin pregunta of kier haya mas informacion, por tuma contacto cu: Visser Trading, Italiëstraat 24, Oranjestad, persona di contacto ta señor Raymbert de Kort na email [email protected] of telefon 585-0101 (WhatsApp).