Home » Hilton Aruba a haci un donacion hopi necesario na FPNC

Hilton Aruba a haci un donacion hopi necesario na FPNC

by Admin
0 comment 157 views



Hilton Aruba Caribbean Resort & Casino a introduci e Tree of Giving na 2020 manera un forma pa duna bek na comunidad. Bishitantenan por contribui n’e Tree of Giving situa den e lobby di Aruba tower, pa medio di cumpra un poinsettia plant durante e luna di december. Tur e ganashi colecta ta bay directamente pa asisti e isla su banco di cuminda, FPNC, Fundacion Pa Nos Comunidad, www.fpncaruba.com.

Continuando e tradicion den su di cuater edicion awor, Hilton Aruba a comparti positivismo durante december y presenta e cantidad recauda na Gianaika v/d Biezen, director di FPNC recientemente. E resort a match e contribucionnan di bishitante na varios ocasion, cu un aumento significante den e total recauda.

FPNC a wordo estableci na 2009 siguiendo Ghandi su punto di bista cu pobresa ta e pio forma di violencia na mundo. E fundacion ta maneha un banco di cuminda, un banco di paña, como tambe muebleria, ainda activo desde e tempo funda.

E fundacion ta sostene 300 pa 350 famia tur luna cu un parcela di cuminda conteniendo diferente tipo di alimentacion den bleki y mas. Nan ta maneha un programa di cumpleaños tambe pa mucha, premiandonan cu cosnan dushi pa comparti hunto cu un regalo riba nan cumpleaños. FPNC ta empaketa basket di cuminda extra durante temporada di pasco. E fundacion tin planea pa host un empaketamento di cuminda den luna di mei na unda cu 100.000 comestibel lo keda prepara y empaketa pa dura algun luna.

Baki den Bario & Aruba Doet, cual ta dos otro programa riba FPNC su agenda, tambe ta contribui – uno pa colecta paña di segunda mano y otro pa distribui cuminda na esnan den necesidad. Localisa na modanza, den centro di e isla, FPNC ta haci un yamado na boluntarionan pa yuda y na sponsors comercial pa bini dilanti y duna un man. E fundacion a experiencia un reduccion significante den donacion hunto cu algun comestibel como resultado di inflacion.

E donacion di Hilton a bini net na bon momento, sosteniendo e fundacion su dedicacion continuo na famianan local. Hilton ta orguyoso den por contribui un bes mas na e fundacion estimado aki.
Den e imagen por mira management team, miembronan di FPNC y representantenan durante e presentacion di donacion. Pa mas informacion riba con bo tambe por asisti e fundacion, bishita nan website www.fpnc.aw.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio