Home » Minister Endy Croes: CLAUSURA DI WEGANAN INTERINSULAR ARUBA 2024 TABATA UN EXITO ROTUNDO

Minister Endy Croes: CLAUSURA DI WEGANAN INTERINSULAR ARUBA 2024 TABATA UN EXITO ROTUNDO

by Admin
0 comment 90 views

Durante un anochi yena cu ambiente deportivo a reparti premio na e ganadonan di Aruba, Boneiro y Curaçao.
ORANJESTAD: Diasabra anochi den un esfera festivo, a tuma luga clausura di Weganan Interinsular 2024. Despues di dos dia di competencia sumamente exitoso cu a inicia na Aruba, a ofrece e delegacionnan di Boneiro, Curaçao y Aruba un recepcion. Durante e ceremonia di clausura diferente orador a hiba palabra, entre otro, Minister di Enseñansa y Deporte Endy Croes, directora di Comunidad y Cuido di Boneiro Sra. Silvana Janga – Servilia y directora di Cultura y Deporte di Curaçao Sra. Lizette Sambo -Velder. Tambe, a haci entrega di premio na e scol – y ganadonan overall di e disciplina di dam, trefbal y ahedres. En total Aruba a conkista 11 medaya, di cual 6 ta di oro, 3 di plata y 2 di brons. Curaçao a logra segundo luga cu 9 medaya, di cual 2 ta di oro, 4 di plata y 3 di brons. Boneiro a logra 7 medaya, di cual 1 ta di oro, 2 di plata y 4 di brons. Mester remarca cu e medayanan individual a ser otorga depues di cada partido final. Ademas di esaki, a reconoce y gradici Mildred Wever, Esmond Jones, Gersinio Constansia, Stallone Isenia y Naftalie Rier, kendenan ta motornan tras di e weganan escolar na e tres islanan. E anochi a culmina cu un bunita show di carnaval di e grupo di baile Dazzling Dancers, Evolution Entertainment y Quality brassband, kendenan a deleita nos bishitantenan cu nos celebracion cultural mas grandi. Por ultimo, Minister Endy Croes ta gradici tur alumno, docente, cabesante, coach, mayor y tur cu a haci Weganan Interinsular 2024 posibel y sumamente exitoso. Alabes mandatario di Deporte ta gradici IBISA, FDDK y Indebon pa e tremendo colaboracion pa organisa e gran evento deportivo aki. Weganan Interinsular lo continua na Boneiro di 14 pa 17 di maart, unda cu e hobennan lo participa den e disciplina di basketball, aquatlon y futbol. E clausura lo tuma luga na Curaçao di 11 pa 14 di april, unda cu e scolnan lo participa den e disciplina di basketball, atletismo y volleyball.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio