125
Eagle Beach – Diabierna anochi Brandweer ta wordo notifica di un palapa na candela, tegenover di La Cabana.
Brandweer y tambe polis cu a yega e sitio y a mira cu ya e candela a wordo practicamente domina. Di un of otro manera a bin haya sa cu e candela a wordo cometi door di hobennan, cu ta frecuenta altura di e luga di tennis cerca eybanda.
Brandweer na yegada a topa cu un palapa casi full paga caba, debi cu esnan den cercania lo a usa brandblusser pa paga esaki.
Area di Eagle tin camara di siguridad instala pa siguridad di comunidad, lo ta bon pa mira e orario di e candela y trata na haya e hobennan culpabel cu ta comete vandalismo den area turistico.
