Home » Sponsors di Eagle Beach Driekiel a haya nan reconocemento

Sponsors di Eagle Beach Driekiel a haya nan reconocemento

by Admin
0 comment 159 views



Papiamento Restaurant, Washington — Tabata amor na prome bista, e dia cu e escultura di Driekiel a keda instala riba e rotonde di Amsterdam Manor, Eagle Beach. E isla a enamora totalmente di esaki manera si semper e tabata presente. ARTopia, un fundacion di arte publico a asigna artista local Gilber Senchi pa crea un piesa monumental di arte publico pa e rotonde aki unda el a entrega un tortuga di dos tonelada di Bronze for di Cartagena, Colombia cual mester a wordo transporta pa Aruba.

E ta zona facil pero e no tabata facil mes. E idea pa asigna arte pa e rotondenan di Watty Vos Blvd, 25km, 13 rotonde den 4 diferente diseño – tabata sugerencia di e compania encarga den traha e vena di trafico y sosteni pa nan accountant Grant Thornton.

FMA, Fundacion Museo Aruba a wordo acerca y mientras cu nan fondo ta limita, curator Renwich Heronimo a responde cu hopi entusiasmo y UNOCA a yuda cu e inversion inicial. TurtugAruba a pusha duro pa esaki bira un turtuga Leatherback di lama, esun di mas pisa y grandi den specie di turtuga, cual ta frecuentemente bini nos lama y unda danki na vigilancia di basta decada pa medio di TurtugAruba nan ta protehi y nan ta sigui bin pone webo pa segura nan sobrevivencia di specie.

Mientras cu Senchi tabata finalisa e diseño, ARTopia funda pa varios sponsor, incluyendo Papiamento Restaurant, a bini cu mas partners manera Aruba Tourism Authority, Divi Resorts, Boolchands, Noraima Pietersz, Farina & Tony van Veen, TPEF, Amsterdam Manor Beach Resort, Manchebo Beach Resort & Spa, Costa Linda Beach Resort, Ewald Biemans, y AHATA.

E siman aki e Papiamento Restaurant, Cigar Lounge, dos di e sponsor cu a yuda den transporta Lukasz Slominski, hefe di Molo Holdings sa, e doño actual di Manchebo Beach Resort & Spa, William ‘Bill’ Crona Board Director di Eight Continent Aruba, a topa cu Senchi pa un presentacion interactivo. Sencho a introduci su catalog di arte na Slominski y despues a regal’e un mini Driekiel como toke de aprecio. E prome Mini Driekiel a wordo duna na Princess Cathalina Amalia Beatrix Carmen Victoria, princess di Orange Nassau kende a bishita Aruba cu su mayornan aña pasa.

Crona a keda presenta cu un mini conch, un replica di e rotonde di Divi dedica na Alex Nieuwmeyer paz descanse. Famia Slominski a bay riba vacacion na Aruba den 2020 y nan ta originalmente for di Poland. Nan a funda un compania hotelero dinamico na 2017 y tabata buscando oportunidadnan na unda cu casualmente a stop na Manchebo pa bebe algo. E resto ta historia. Segun Slominski, e famia a enamora di e beach, e localidad y ambiente, anto a dicidi di agrega Aruba riba nan lista di Molo Hotels su localidadnan. “Nos tabata contento di por a contribui na escultura di Driekiel y embeyecemento di e area”, Slominski ta bisa, kende su compania awo ta localisa na United Kingdom cu su oficina principal na Switzerland.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio