Home » Estudio Basico pa bira Agente di Wardacosta ta habri pa inscripcion

Estudio Basico pa bira Agente di Wardacosta ta habri pa inscripcion

by Admin
0 comment 111 views

Hoben bo ke bira Agente di Wardacosta pa proteha bo pais?
Bo ke yuda salba bida di hende y yuda intercepta botonan cu ta trese mercancia ilegal Aruba?
Wardacosta ta informa hobennan entre 18 y 25 aña, cu tin e ambicion pa bira Agente di
Wardacosta, pa inscribi nan mes pa e Estudio Basico pa bira Agente di Wardacosta (Basis
Opleiding Kustwacht, BOK). E estudio basico ta un programa di estudio cu un duracion di 1 aña
cu vaknan practico y teoretico, incluso un training pa bira Agente Policial Extraordinario
(Buitengewone Agent van de Politie, BAVPOL). Tantu hobennan masculino como femenino por
inscribi pa e estudio di BOK.
E estudio ta start den augustus 2024 cu un periodo di introduccion, asina yama ‘SamenSterk’. E
meta di e periodo ‘SamenSterk’ ta cu e aspirant durante e periodo aki, lo crese tantu
fisicamente como mentalmente y ta sera conosi cu e organisacion di Wardacosta. Durante e
estudio e aspirantnan ta risibi habilidatnan basico, di entre otro EHBO (‘first aid’) y training cu
arma. Tambe educacion noutico y vaknan di training basico di ekiponan di rescate, paga
candela, legislacion di Wardacosta y manual di radio VHF, cualnan ta forma parti di e pakete di
e estudio BOK. E condicionnan pa inscribi ta cu bo tin nacionalidat Hulandes, y cu bo ta inscribi
na Aruba, Corsow, Sint Maarten of islanan BES y cu bo tin entre 18 y 25 aña di edat, na inisio di
e curso. Tambe bo mester tin minimal un di e siguiente diplomanan: MAVO-4/ VMBO/VSBOTKL/
L.T.S/ T-stroom/ EPB-door -stroom/ EPI of un diploma ekivalente na educacion
secundario, cu bo tin un diploma di landamentu, cu bo por lesa y scibi Hulandes, tin un bon
condiccion fisico, cu bo no ta bisti bril of lens y cu bo no tin un ‘strafblad’.
Si bo ta interesa den e estudio, bo por bishita e website di Wardacosta via
werkenbij.kustwacht.org Aki bo por sigi e link pa yega na e formulario di inscripcion. Inscripcion
ta sera 1 di mei 2024.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio