ORANESTAD – Diamars dia 13 di februari pa 7 or di anochi lo tin un charla na Universidad di Aruba (Room A) tocante e relacion entre cambio di clima, cultura y sociedad. E charla aki ta wordo organisa pa e proyecto di investigacion ‘Isleñonan na Timon’ (Island(er)s at the Helm). Dr. Francio Guadeloupe lo duna un introduccion tocante e importancia y balor pa studia efectonan di cambio di clima y con esaki ta wordo experencia pa e hende y e sociedad. En general e topico di cambio di clima ta wordo mira y discuti den termino di solucion judicial, economico y tecnico. Durante e introduccion aki lo tira un bista ariba e problematica di cambio di clima for di e perspectiva di herencia cultural y cultura popular.
Harold Kelly, arkeologo di Museo Arqueologico Nacional Aruba (MANA) y candidato doctorado arkeologia (Ph.D) lo despues duna un charla tocante su investigacion. E lo splika duna un splikacion di e resultado nan preliminario di su investigacion tocante conocimento tradicional y indigeno y e transmision di e conocimiento aki den sociedad di awendia. E evento lo ta na ingles.
Pa sign up por usa e link aki: https://lnkd.in/ekjmNEC7.
Cambio di clima ta un problematica cu ta afecta henter mundo, incluyendo e area di Caribe. Tin indicacion cientifico cu e bida diario di isleñonan lo mira cambionan drastico na aña 2050 caba, por ehempel cambionan na e costa di nos isla. Pa motibo di e indicacion nan aki a dicidi di investiga e forma cu habitantenan di e islanan ABCSSS ta adapta na cambio di clima y inventarisa ki tipo di adaptacion ainda ta necesario.
Island(er)s at the Helm ta un proyecto di investigacion di cinco aña cu a cuminsa na 2021. E ta wordo financia pa NWO (Nederlandse Organisatie voor Wetenschappelijk Onderzoek) y ta wordo organisa pa Koninklijk Instituut voor Taal, Land en Volkenkunde (KITLV). Tur seis isla caribense den Reino Hulandes ta forma parti di e proyecto aki. Pa esnan cu ta interesa pa haya sa mas tocante e projecto di investigacion por sigui e pagina ‘Islanders at the Helm’ riba Facebook, LinkedIn of riba e website.
Mas informacion:
Tackling climate change is often approached through the pursuit of legal, economic, and technical solutions. This is understandable given the magnitude of the challenge. However as discussions in the United Nations and sound academic research argues to be effective in terms of adaptation, culture has to matter.
In this lecture, climate challenges are viewed through the lens of cultural heritage and popular culture. The speakers will be considering questions of traditional knowledge, cultural transmission and the dynamics of popular culture and activism in complex postcolonial arenas. By approaching climate challenges through these arenas, climate adaptation can be explored through a holistic manner whereby technical and economic approaches can be complimented by cultural and social approaches.