Home » Continuacion di ampliacion di orario di servicio di ELMAR pa clientenan di SmartUp Prepaid: Facilitando Transaccion Personal y Garantisando Continuidad di e Servicio

Continuacion di ampliacion di orario di servicio di ELMAR pa clientenan di SmartUp Prepaid: Facilitando Transaccion Personal y Garantisando Continuidad di e Servicio

by Admin
0 comment 75 views

Oranjestad, Aruba, 5 di februari – Entrante dialuna, 5 di februari, y continuando durante e siman aki, e sucursalnan di ELMAR na Oranjestad y San Nicolas lo keda habri te cu 8:00 pm pa e Clientenan di SmartUp Prepaid cu ta prefera un transaccion personal pa por recarga nan meter SmartUp. Cu excepcion di diarason, 7 di februari, e orario di servicio ta te cu 4:00 pm na ELMAR San Nicolas debi na e parada di carnaval den e area. Durante e siman aki, lo sigui informa tocante e ahuste di orario di servicio durante e weekend.

ELMAR ta compronde e importancia di ofrece diferente opcion di pago cu ta adapta na e preferencia di su clientenan di SmartUp. Pa e motibo aki, ELMAR ta determina pa continua busca un solucion pa nos clientenan. Actualmente ELMAR ta trahando activamente pa consultando riba mas alternativo pa su clientenan di SmartUp Prepaid.
ELMAR su clientenan di SmartUp Prepaid por keda trankil cu si ricibi notificacion despues di 8:00 pm cu e cantidad di kWh ta cabando, nan meter Prepaid lo continua suministra coriente te cu 8:00 am, dunando asina e oportunidad pa pasa pa recarga su siguiente mainta na sucursal di ELMAR.

Adicionalmente, ELMAR ta encurasha su clientenan di SmartUp Prepaid cu ainda tin un meter STS (manual of cu keypad) pa uza e oportunidad aki pa recarga nan cuenta na un di nos sucursalnan.

ELMAR ta mantene su compromiso pa sigui informa su clientenan tocante e desaroyonan y avansenan durante e proceso aki. Pa mas informacion, por tuma contacto cu nos Departamento di Customer Service na 523-7100 of [email protected] durante siman te cu 8:00 pm y durante weekend te cu 4:00 pm. Nan ta gradici tur nos clientenan di SmartUp Prepaid pa nan comprension mientras nan ta trahando duro pa atende cu e asunto aki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio