Oranjestad: Diabierna for di prome cu 10’or di mainta, 12 scol di Aruba a reuni den Vondellaan, un total di casi 3 mil mucha a participa na e parada escolar 2024. Scolnan cu a participa tabata; Scol Basico Kudawecha, Reina Beatrix School, Scol Basico Washington. Play2whixx Campus, Colegio Frere Bonifacius, Rosario College, Anglo Kleuterschool, Mon Plaisir School, Arco Iris Kleuterschool, Colegio Conrado Coronel, Prinses Amalia Basisschool y Scol Paso pa Futuro.
E Parada a sali for di Vondellaan, a pasa De La Sallestraat dje a bira den Kamerlingh Onnestraat y a termina na Solito, dilanti RCA, nos por a mira varios banda, Buleria, Tsunami y Youth Xtreme. No ta solamente maestra y maestronan pero tambe mayornan cu tabata funghi como lidernan pa cuida e muchanan.
Por a mira tambe KPA y mariniernan cu tabata cana riba e ruta pa yuda cuida y protega e muchanan.
Un bunita parada y cu ta mustra di ta birando aña pa aña mas grandi.
