Home » NWO Financiamento estudio cientifico den e parti Caribense di reino awo structural

NWO Financiamento estudio cientifico den e parti Caribense di reino awo structural

by Admin
0 comment 153 views



For di aña pasa, Nederlandse Organisatie voor Wetenschappelijk Onderzoek (NWO) ta ricibi un suma di € 2.500.000, – anualmente, di forma structural for di Ministerio di Enseñansa, Cultura y Ciencia (OCW) pa investigacion cientifico den e parti Caribense di Reino. 

 

Saba, Sint Eustatius, Sint Maarten, Aruba, Boneiro y Corsou ta ricibi sosten for di NWO pa 10 aña caba via diferente programa di financiamento di programa di Caribisch Onderzoek, cu ta contribui na un fundeshi solido pa investigacion cientifico den e region aki, pero awor esaki a bira structural.

 

Investigacion cientifico duradero for di e region
E presupuesto ta destina pa amplia conocemento cientifico y pa aplica esaki pa desaroyo sostenibel riba e seis islanan den e parti Caribense di Reino. E fondo ta wordo uza pa financia investigacion cientifico y pa duna sosten na cientifico Hulandes Caribense.


Agenda di conocemento cu tema di investigacion

E programa Caribisch Onderzoek ta desaroya un agenda di conocemento cu ta sirbi como guia pa futuro programa tematico di financiamiento. Basa riba encuesta amplio entre habitante y investigado di e seis islanan y paisnan tocante pregunta social, a formula un agenda di conocemento cu tema di investigacion. Lo presenta e agenda concepto di conocemento na juni 2024 durante ronda di consulta na e islanan pa mira si ta reconoce e contenido. Despues, na oktober 2024 lo anuncia, e agenda di conocemento final durante Dutch Caribbean Research Week. 

 

Establecimento di Caribbean Research Platform (CaRP)

Ademas, den un futuro sercano lo establece Caribbean Research Platform (CaRP), cu lo tin oficina riba tur seis isla y pais. NWO ta funda e plataforma aki pa hunga un rol di sosten pa tur esnan cu ta envolvi den investigacion cientifico, manera instituto di conocemento, investigadornan independiente, organisacion social, gobierno local y otro partido relevante, pa di e manera aki sigui impulsa capacidad y investigacion cientifico. CaRP lo cuminsa recruta personal na 2024. Nan lo yuda cu formulacion di proposicion pa investigacion, buscamento di fuente di financiamiento y stimulacion di intercambio di conocemento entre investigado, comunidad, negoshi, instituto di enseñansa y gobierno.

 

Door di e financiamento structural aki y e fundacion di un plataforma di red regional,conhuntamente cu investigador, organisacion y gobierno Caribense, NWO ta contribui na crecemento sostenibel di investigacion cientifico den region.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio