Home » HOFI DEN BARIO

HOFI DEN BARIO

by Admin
0 comment 120 views

Diabierna dia 19 di Januari un grupo di Studiante di De Schakel College a join e grupo di voluntario 60plus cu tur siman ta mantene un Hofi den Bario na Cashero, cual ta cay bou di un di e proyectonan pa 60plus di Fundacion Movemiento ta Bida (FMTB). Meta di e projecto aki ta pa keda activo, siña encuanto plantacion y mantene e Hofi. Semanalmente tin boluntario di Cas Sjabururi cu tambe ta yuda. E mainta a bai sumamente bon unda cu e 18 hoben nan a yuda cu limpiesa di e tereno, kita yerba, vertilisa e tera y transporta paletnan. Mientras tabata traha a canta hunto den team. E studiantenan a hasi pregunta y hopi splicacion a wordo duna encuanto e matanan di fruta y berdura. E hoben nan a gusta traha pafo den naturalesa pero varios a bisa cu ta trabou toch mas pisa cu nan a kere. E iniciativa pa participa a bin di parti di De Schakel cual ta un scol multilingual cu ta enfoca riba e studiantenan desaroyo personal y como ciudadano mundial. Man habri FMTA a tuma e ayudo aki. E proyecto ta draai danki na boluntarionan figo y dedica pa yuda minimo 2x pa siman. Pa medio di e comunicado aki FMTB ta pidi organisacion mas grandi of compania si por tuma contacto pa 1, 2 of 3 bes pa aña yuda cu limpiesa di e tereno cual ta trabou mas pisa pa e 60plussers nan. Of por bel 592-5433 pa mas informacion. Tambe tur otro voluntario ta bon bini y por inscribi via Arubavolunteers.org FMTB kier a gradici e docente- y alumnonan di De Schakel pa scoge e proyecto aki y pa nan yudansa. Masha danki!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio