Home » Autoridad man na cabes cu tanto ladronicia di auto; un ladron deteni despues di persecusion peligroso

Autoridad man na cabes cu tanto ladronicia di auto; un ladron deteni despues di persecusion peligroso

by Admin
0 comment 146 views
Oranjestad – Diasabra marduga ladronicia di auto ta continuando y na gran escala.
Segun nos a compronde, den companashi un Hyundai Getz a wordo horta.
Patruya di Playa atento rond di 4’or di marduga a spot e vehiculo aki, y mesora a start un persecusion. Ta papia di un persecusion formal cu velocidad hopi halto mes.
Polis cu kier gara e ladronnan y e ladronnan cu ansha pa huy y no wordo gara.
E Hyunda Getz a haci un monton di maniobra, den Madiki y area di Driemasterstraat y polis su tras.
Ariba e caminda di Belgiëstraat un ciudadano a graba e momento cu polis tawata tras di e auto y eynan bo mes por saca conclusion con peligroso e cos aki ta.
Algun rato despues, polis cu no a give up a logra, e auto lo a drenta un  cura di un cas y dal un meter di awa kibra.
Aki polis a logra gara uno, mientras lamentablemente un otro cu aparentemente ta un conocido ladron di auto a huy.
Ladronicia di auto a lanta cabes y no ta mustra cu tin un luz na horizonte con e final lo ta. Casi cada dia of pasa un dia “nan” ta purba of ta horta auto y no ta solamente esnan ariba e challenge cu e ta e marca Kia Rio, Picanto, Sportage etc etc pero tur auto cu por wordo horta lo wordo horta.
Cuida bo propiedad, pone lock, kill switch, pone bo auto den cura y paga tino ora cacho ta blaf.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio