Home » E color blauw di Aruba ta e protagonista pa e competencia di fotografía di SMFA.

E color blauw di Aruba ta e protagonista pa e competencia di fotografía di SMFA.

by Admin
0 comment 124 views

Stichting Monumentenfonds Aruba (SMFA) ta organisa tur luna un competencia di fotografía cu un tema nobo. Pa luna di januari, den cuadro di e celebracion di dia di Betico a scoge pa e color blauw.
E famoso color blauw di Aruba su bunita shelo, laman ta un sensacion global. Y nos por encontra blauw tambe den Aruba su herencia cultural. Pa e luna di januari nos ta challenge e publico pa captura e esencia di e color blauw di Aruba su herencia y tradicionnan den su diferente tono.

Con pa participa?
Post un fotografía riba bo Instagram account.
Uza e siguiente hashtagnan: #langlevenheterfgoed_blauw #langlevenherterfgoed #bibanosherencia
Menciona @langlevenheterfgoed y @monumentsfundaruba den bo post.
Ultimo día pa participa ta 31 di januari 2024.

Algun tips:
*E tema principal ta herencia di Aruba y color blauw.
*Laga bo fotografía resalta cu un color di contraste manera por ehempel oraño.
*Probecha e actividadnan di celebracion di Dia di Betico pa busca e blauw di Aruba.
*Busca algo blauw pa resalta den bo fotografía, un detaye, un paña etc.
*Capta diferente tononan di blauw den bo fotografía
*Pone atencion na detayenan manera portanan y bentana.
*Y probecha tambe e actividadnan di Carnaval pa captura e color blauw den e diferente parada y actividadnan.

Biba nos Herencia
Ta un proyecto organisa pa Stichting Monumentenfonds Aruba den cooperacion cu Monique Anrochte, diferente partner cultural y boluntario cu e meta pa medio di fotografía y Instagram comparti e herencia tanto material como inmaterial di Aruba cu un y tur. Pa e proyecto nos ta organisa diferente workshops, instameets y competencianan di fotografía pa asina conecta e participantenan na nos herencia cultural. Asina hunto crea un comunidad cu pasion pa herencia, cultural, arte y fotografía. Tur luna lo tin un premio diferente y e fotografianan di e challenge cu gana lo forma parti di un exposicion na final di e proyecto. Biba nos herencia ta un proyecto pa tur edad caminda na un manera interactivo y simpel por conoce y comparti Aruba su herencia cultural.

Pa mas informacion follow nos riba Instagram na @monumentsfundaruba / @langlevenheterfgoed of por tuma contacto na [email protected]

 

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio