Home » Turista(53) ta fayece den chollerhouse na Playa

Turista(53) ta fayece den chollerhouse na Playa

E la parkeer su auto y bay paden bay "dal un hit"

by Admin
0 comment 257 views

Klipstraat
Ambulance a yega e edificio color roos, unda cu prome informacion tawata bisa cu un turista lo a haya un ataka di epilepsia. Paramediconan na mes momento a pidi pa autoridad cu urgencia, debi cu algo tawata mustra robes. Algun rato despues cu polis a yega mester a manda refuerso, debi cu e adictonan a cuminsa lanta cu otro den e luga.  Pafo di e luga por a mira Kia Picanto di e victima, cu a laga e hazard lights cendi pa e cora bay ariba dal un hit.

For di Sra. Rasmijn nos a haya lo siguiente
“Dialuna atardi pa mas o menos 5:35 central di polis ta wordo notifica door di Alarm Central cu un edificio na Klipstraat personal di ambulance a wordo manda na e sitio pa un persona masculino cu no ta duna señal di bida. Polis a bay na e sitio y ta wordo informa cu ta trata un turista masculino naci na Nicaragua.

Dr.Texier a presenta y ta constata morto pa 6:20 di atardi homber di inicial J.E. Noguera di 53 aña naci na Nicaragua y residencia na Merca.

Recherche como tambe polis technico a presenta na e sitio pa haci nan investigacion.
E curpa a wordo tuma den beslag pa mas investigacion pa descarta si ta trata di un crimen.

Cuerpo Policial Aruba ta pidi cualkier persona cu a wak algo of sa algo pa yama e tiplijn di polis cu ta 11141″.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio