Esey tabata e advertencia di e Servicio Meteorologico Nacional di Merca pa varios estado di nort y centro di e pais pa e yegada di un masa di aire polar cu lo baha e temperatura den e pais.
Den e estado di Montana a wordo pronostica un temperatura inferior na -45°C. Tambe na Canada a registra temperaturanan minimo historico, manera na Edmonton cu casi -50°C.
E friu ta debi na un masa di aire artico cu a biaha den Norte America, caminda mas di 150 miyon persona ta bao alerta di clima extremo den ambos pais.
E caida di sneeuw a provoca e ciere di careteranan y cayanan, como tambe alteracion den e programacion di un wega di futbol americano di NFL na Buffalo, Nueva York.
Pero algun aventurero tambe a sali ariba caya pa hunga un rato cu sneeuw. Y aunke e temporal lo pasa diaranson, e alivio lo ta cortico, ya cu ta spera un oleada nobo di aire artico pa e weekend proximo cu lo por yega te na e parti zuid di Merca.