Montaña: Diadomingo algo despues di 8 or di anochi lo a surgi un problema entre un homber y un muhe na un apartamento na Montaña. E problema a bay completamente for di man na momento cu e dama a pasa man pa un obheto skerpi y a hinca e homber. Lagando e homber herida.
Presencia di polis mesora a wordo pidi na e adres, na yegada enberdad polis a bin topa cu e homber herida y a pidi di biaha pa presencia di ambulance.
Na yegada di ambulance nan a trata e homber na e sitio y despues a transport’e pa hospital pa un tratamento medico mas avansa. Na e sitio nos a compronde cu e homber ta stabil.
Tambe a pidi pa presencia di Slachtofferhulp.
Dos agente femenino a presenta pa asina por a detene e dama cu a hinca e homber y tambe tuma e yiu/nan over cu a presencia tur cos.
Departamento tecnico tambe a wordo poni na altura.
Durante cu e dama tawata warda pa drenta den transportwagen por a scuche ta bisa cu e ta victima.
E problema aki lo a sosode dilanti e yiunan.
